Vitoria-Gasteizko Santa Maria Katedrala zaharberritzeko prozesuan lehen aldiz abian jarritako “Obrengatik Irekita” programa sortu zen, kultura-ondarearen kontserbazioa eta sortutako ezagutza ondasun publikotzat ulertuz. Hala, prozesua demokratikoki kudeatu eta herritarrentzat eskuragarri jarriz. Horregatik, eskuratutako ezagutza zabaltzeko eta gizarteratzeko estrategiarik egokienetarikoa izanik, gizartea aktiboki inplikatu nahi da lan horretan, Balmasedako kultura-ondarea berreskuratzeko prozesuan zuzenean parte hartuz, eta ondare horren kontserbazio prebentibo eta jarraitua sendotzen lagunduz.

Horretarako, beste ekintza batzuen artean, bisita programatuak planteatzen dira, batez ere eskoletako ume zein gazteentzat, ikastetxeentzat, kultura- eta gizarte-elkarteentzat eta, oro har, talde antolatuentzat, obretan bertan esku hartzen ari diren teknikariekin harremanetan, bisita gidatuetara joateko aukera eskeiniz, lan horiek in situ egiten diren bitartean, aztarnategian lanean ematen diren hilabeteetan zehar gauzatuko direnak, orokorrean udara partean.

Honelako ekintzetan parte hartu nahi dutenek web orri honen edo Enkartur tokiko turismo zerbitzuaren bitartez programatutako jardunaldiei buruzko informazioa jaso eta egutegiak kontsultatu ahal izango dituzte.